कुन रक्त समूहका व्यक्तिहरुले कोरोनाबाट बढी सतर्कता अपनाउनु पर्ने छ त ?

एजेन्सी | चीनमा हालसालै गरिएको अनुसन्धानका अनुसार कोरोनाभाइरसको संक्रमणको जोखिम रक्त समूह-एमा बढी हुने गरेको पाईएको छ । कोरोनाभाइरसको गढ वुहान र शेन्जेनमा २ हजार भन्दा बढी बिरामीहरूको अनुसन्धानले यस कुराको खुलासा गरेको छ। उक्त अनुसन्धानले कोरोनाबाट पीडित बिरामीहरूको रक्त समूहहरूको अध्ययन गरेको थियो।

ए-रक्त समूह भएका मानिसहरूलाई बढी सावधान हुन जरुरि

चिनियाँ अन्वेषकहरूका अनुसार वुहानमा भर्ती रक्त समूह-एका बिरामीहरूलाई संक्रमणका गम्भीर लक्षणहरू भेटिएक थिए। उहि समयमा ओ-रक्त समूहका लक्षणहरू धेरै हल्का थिए। वुहान युनिवर्सिटीका अन्वेषक वैंग शिंघुआनका अनुसार रक्त समूह-एमा संक्रमणको जोखिम धेरै भएकोले , कोरोना हुनबाट जोगिन सबै भन्दा बढी सावधानी अपनाउनु पर्छ।

ओ-रक्त समूहका व्यक्तिहरूलाई निश्चिंत हुन आबश्यक्ता छैन

 अन्वेषकहरूका अनुसार चीनमा कोरोनाको कारण मर्ने २०७ बिरामीहरूमध्ये ८५ जनाको रक्त समूह-ए र ५२ जनाको रक्त समूह-ओ थियो । अन्वेषक गाओ यिंगदाई भन्छन्, यदि तपाईको रगत समूह-ए हो भने, आत्तिनु आवश्यक पर्दैन यसको मतलब यो होइन कि १०० प्रतिशत संक्रमण हुनेछ। न त ओ-रक्त समूहलाई आराम चाहिन्छ। बारम्बार हात धुनुहोस् र सुरक्षित हुनको निम्ती आवश्यक निर्देशनहरू पालना गर्नुहोस्।

वुहानमा सबै भन्दा बढी ओ रक्त समूह

अनुसन्धान रिपोर्टका अनुसार चीनको वुहानमा ओ-रक्त समूहको संख्या बढी छ। यहाँ ३१ प्रतिशत व्यक्तिको रक्त समूह-ए, २४ प्रतिशत रक्त समूह-बी,९ प्रतिशत रक्त समूह एबी र ३४ प्रतिशत व्यक्तिको रक्त समूह-ओ छ।